Friday, June 13, 2008

വൈകിയ വരകള്‍

അവസാനതീയ്യതിയിന്നാണല്ലോയെന്നിപ്പോഴാണോര്‍ത്തത്.
നോക്കിയപ്പോ ആയമ്മേ വരക്കാനാണിത്തിരിയെളുപ്പം.
എന്നാ പിന്നെ കിടക്കട്ടേയെന്നു വച്ചു.
പണ്ട് ആയമ്മേടെ വര്‍ത്തമാനം കേട്ടിരിക്കാനും നല്ല രസായിരുന്നു.
ഇപ്പൊ വയസ്സായില്ലേ..
........................................................................................................
.
പക്ഷെ ഞാന്‍ വരക്കാനാഗ്രഹിച്ചതും പറയാനാഗ്രഹിച്ചതും അവരെയായിരുന്നില്ല.
ഗീതടീച്ചറെ കുറിച്ചായിരുന്നു,
തന്‍റെ ജന്മസത്യം ഒറ്റ സ്നാപ്പിലൊതുക്കി പാതി വഴിയില്‍ തിരിഞ്ഞു നടന്നുപോയ
കവയത്രിയും ചെറുകഥാകൃത്തുമായ ഗീതാഹിരണ്യനെക്കുറിച്ച്.
.
ടീച്ചറുടെ മലയാളം ക്ലാസ്സുകള്‍ വല്ലത്തൊരനുഭവമായിരുന്നു.
എന്‍റെ കലാലയ ജീവിതത്തിന്‍റെ അവസാനകാലത്താണ് ടിച്ചര്
‍കൊടുങ്ങല്ലൂര്‍ കെ.കെ.ടി.എം. കൊളേജില്‍ എത്തുന്നത്.
അതുകൊണ്ടുതന്നെ ടീച്ചറുടെ വളരെ കുറച്ചു ക്ലാസ്സുകള്‍ മാത്രമാണ്എനിക്കുകിട്ടിയത്.
ഗീതാഹിരണ്യന്‍ എന്ന വ്യക്തിയേയും ടീച്ചറേയും എഴുത്തുകാരിയേയുംമനസ്സിലാക്കുവാന്‍
ആ കുറച്ചുനാളുകള്‍ തന്നെ ധാരാളമായിരുന്നു.
അത്രയ്ക്ക് തുറന്ന പെരുമാറ്റമായിരുന്നു ടീച്ചറുടേത്.
.
ഒരിക്കല്‍കൂടി ചെന്നുകാണണമെന്നുള്ള ആഗ്രഹം
അവര്‍ മരിക്കുന്നതു വരെ സാധിച്ചില്ല.
അര്‍ബുദരോഗം കീഴടക്കിയ ആ ജീവിതത്തിനും
കീഴടങ്ങാന്‍ കൂട്ടാക്കതിരുന്ന ആ മനസ്സിനും തൂലികയ്ക്കും
45 വയസ്സില്‍ പൂര്‍ണ്ണവിരാമമായി.
'ഒറ്റസ്നാപ്പില് ഒതുക്കാനാവില്ല ഒരു ജന്മസത്യം' ആയിരുന്നു ആദ്യകഥാ സമാഹാരം.
മരണശേഷം പ്രസിദ്ധീകരിക്കപ്പെട്ട 'അസംഘടിത' യായിരുന്നു
രണ്ടാമത്തേതും അവസാനത്തേതുമായ കഥാസമാഹാരം.
.
അവിടിവിടെ ചിതറിക്കിടക്കുന്ന ഓര്‍മ്മകളും
മറവിയിലേക്കിനിയും മറഞ്ഞുപോകാത്ത വായിച്ചുപോയ വരികളും
സാധിച്ചാല്‍ കുത്തിവരകളാലൊരു ഗുരുദക്ഷിണയും ചേര്‍ന്നൊരു
വിശാലപോസ്റ്റായിരുന്നു മനസ്സില്‍.
ഇനിയൊരിക്കലാവട്ടെ.
ടീച്ചറെക്കുറിച്ച് ഇത്രയെങ്കിലുമോര്‍മ്മിക്കാന് ‍കാരണമായ
ഇവന്‍റിന് നന്ദി!

Labels: ,

6 Comments:

Blogger അപര്‍ണ്ണ said...

കെ കെ ടി എം-ല്‍ ഇങ്ങനൊക്കെ ചില നല്ല കാര്യങ്ങളുണ്ടാരുന്നു. അല്ലേ? എന്നെയൊക്കെ കണ്ട്‌ പഠി, കോണ്‍വെന്റിലെ മലയാളമാ മലയാളം! ;)

6/13/2008 4:00 AM  
Blogger ഫസല്‍ ബിനാലി.. said...

കമലാ സുരയ്യയെയാണ്‍ വരച്ചതെന്ന് തോന്നുന്നു, നന്നായിട്ടുണ്ട്. പക്ഷെ ചെറുപ്പമാണഒല്ലോ? ഈ വയസ്സിലവര്‍ കമലാ ദാസ് ആയിരുന്നിരിക്കണം, ആശംസകള്‍

6/13/2008 4:34 AM  
Blogger പാമരന്‍ said...

വര!

6/13/2008 1:27 PM  
Blogger Inji Pennu said...

:-)
നന്ദി സാക്ഷി ബ്ലോഗ് ഇവന്റില്‍ പങ്കെടുത്തതിനു അതിനു ചിത്രം വരച്ചതിനും.

ഗീത ഹിരണ്യന്റെ ചിത്രം തേടിക്കൊണ്ടിരിക്കാണ്.

6/14/2008 1:12 PM  
Blogger Sarija NS said...

കുമാര്‍ ഞാനൊത്തിരി വൈകീന്നു തോന്നണു ഈ വരകളുടെ ലോകം കാണാന്‍. അഭിനന്ദനങ്ങള്‍

6/16/2008 10:03 AM  
Blogger ജയരാജന്‍ said...

അപ്പോ അറിഞ്ഞില്ലേ, ബ്ലോഗ്‌ ഇവന്റ്‌ 27-ആം തീയതി വരെ നീട്ടി വച്ചു. അതുകൊണ്ട്‌ "അവിടിവിടെ ചിതറിക്കിടക്കുന്ന ഓര്‍മ്മകളും
മറവിയിലേക്കിനിയും മറഞ്ഞുപോകാത്ത വായിച്ചുപോയ വരികളും
സാധിച്ചാല്‍ കുത്തിവരകളാലൊരു ഗുരുദക്ഷിണയും ചേര്‍ന്നൊരു വിശാലപോസ്റ്റ്‌" തന്നെ ആയിക്കോട്ടെ. വായിക്കാന്‍ ഞങ്ങള്‍ റെഡി :)

6/18/2008 7:59 PM  

Post a Comment

Subscribe to Post Comments [Atom]

<< Home